Ar ôl gweithio ar draws yr holl bleidiau gwleidyddol i gael ymrwymiad i gynllun gweithredu HIV Terrence Higgins Trust yn penodi Rhys Goode i gyflawni Cynllun Gweithredu HIV yng Nghymru.
Rhys Goode yn dod yn Bennaeth Terrence Higgins Trust Cymru i helpu i sicrhau bod y wlad yn cyrraedd ei nod o ddod ag achosion newydd o HIV i ben erbyn 2030 Yng Nghymru ers 2018, rydyn ni wedi bod yn gweithio’n agos gyda Llywodraeth Cymru i wthio’r gwaith pwysig hwn yn ei flaen.
Mae’r cynllun gweithredu sy’n manylu ar sut y bydd Cymru yn dod ag achosion newydd o HIV i ben erbyn 2030 wedi’i gefnogi’n bersonol gan y Prif Weinidog Mark Drakeford a’i gydweithwyr yn y cabinet.
Cymru oedd y wlad gyntaf yn y DU I wneud ymdrech genedlaethol i ddod ag achosion newydd o HIV i ben erbyn diwedd y ddegawd. Arweiniodd hefyd y ffordd at ddarpariaeth gyffredinol PrEP, y cyffur a gymerir gan bobl sy’n profi HIV negatil i amddiffyn rhag y firws.
Daeth yr ymgynghoriad i ben yn ddiweddar ar y cynllun drafft 26 pwynt ac mae’n aros i’w gyhoeddi. Dyna pam rydyn ni’n ymrwymo’n gyhoeddus i sefydlu presenoldeb sylweddol a chynaliadwy yng Nghymru i sicrhau bod cynnydd yn parhau ar y trywydd iawn a bod pob offeryn yn cael ei ddefnyddio.
Mae gan Rhys Goode hanes o arwain cysylltiadau ac ymgyrchoedd ar draws sectorau i gwmnïau fel JustGiving a Klarna yn fewnol, yn ogystal ag uwch ymgynghorydd llawrydd i sawl brand proffil uchel arall. Mae Goode yn cyfuno ei brofiad â gwybodaeth gartrefol o’r byd gwleidyddol Cymreig, ar ôl tyfu i fyny yng Nghymoedd De Cymru cyn dechrau gyrfa yn Llundain.
Dychwelodd Goode i Dde Cymru ar ddiwedd 2020, ar ôl teimlo’r atyniad yn ôl i laswellt gwyrdd y cartref yn ystod y pandemig i gwblhau MBA ym Mhrifysgol Caerdydd. Mae hefyd yn gynghorydd lleol ym Mwrdeistref Sirol Pen-y-bont ar Ogwr, gan gynrychioli ei bentref genedigol, Nant-y-moel i ddod â’r epidemig i ben.
“Mae gennym yr holl offer angenrheidiol i sicrhau nad oes unrhyw achosion HIV newydd – nawr mae angen i ni eu defnyddio.”
— Rhys Goode, Pennaeth Terrence Higgins Trust Cymru
Dywedodd Rhys Goode: ‘Rwy mor gyffrous i ymgymryd â’r rôl hon i lunio dyfodol Terrence Higgins Trust Cymru. Mae gennym yr holl offer angenrheidiol i sicrhau nad oes unrhyw achosion HIV newydd – nawr mae angen i ni eu defnyddio.
‘Gyda chymorth Llywodraeth Cymru a’n partneriaid eraill ledled Cymru, mae gennym gyfle i yrru trosglwyddiad HIV i ddim erbyn 2030 tra’n brwydro yn erbyn hen stereoteipiau a’r stigma a wynebir gan lawer o’r rhai sy’n byw gyda HIV.
‘Rwy’n edrych ymlaen at weithio’n agos gyda’r Gweinidog Iechyd, ac eraill yn Llywodraeth Cymru, ASau o bob plaid a chynghorwyr a byrddau iechyd ledled y wlad i gyflawni’r nod uchelgeisiol hwn ond hefyd gwella’r mynediad tameidiog (patchy) at wasanaethau iechyd rhywiol y tu allan i Gaerdydd i sicrhau y gall pawb gael mynediad at ofal o ansawdd uchel o fewn eu cyrraedd.’
Dywedodd ein Prif Weithredwr Ian Green: ‘Rydyn ni wedi ymrwymo’n llwyr i chwarae ein rhan yng Nghymru i gyrraedd y nod o newid bywyd yn llwyr trwy ddod ag achosion newydd o HIV i ben erbyn 2030 ac wrth ein bodd mai Rhys fydd yn arwain trwy y gwaith hwn.
“Rydyn ni’n gwybod beth sydd angen ei wneud i gyrraedd y targed hwnnw ar gyfer 2030, gan gynnwys mwy o brofion HIV a mynediad at bilsen atal PrEP. Ond ni fydd yn digwydd heb ymdrech ar y cyd a gweithrediad cryf Cynllun Gweithredu HIV uchelgeisiol i Gymru.’
Wrth i’r ymgynghoriad agor ar y Cynllun Gweithredu drafft ar HIV, cyhoeddodd y Gweinidog Iechyd Eluned Morgan £3.9 miliwn i ddatblygu ymhellach y gwasanaeth profi HIV ar-lein drwy’r post a sefydlwyd yn ystod y pandemig COVID-19. Fodd bynnag, mae angen cyllid ychwanegol i hybu ymwybyddiaeth o opsiynau profi HIV, treialu gwell profion yn yr ysbyty ac i ddarparu cymorth gan gymheiriaid i bobl sy’n byw gyda HIV yng Nghymru.
