Ni All Basio Ymlaen

Nod ein hymgyrch yw helpu i roi diwedd ar y stigma sy’n ymwneud â HIV a dod â throsglwyddiadau HIV i ben yn gyfan gwbl. Rydyn ni’n dweud wrth bawb: na all rhywun sy’n byw gyda HIV ac sy’n cael triniaeth effeithiol ei drosglwyddo.

Mae’n un o’r negeseuon mwyaf cadarnhaol y gall rhywun sy’n byw gyda HIV ei glywed. Mae’n lleihau’r stigma sy’n gysylltiedig â HIV ac yn rhoi cymhelliant i aros ar driniaeth i gadw eu hunain a’u partneriaid rhywiol yn iach

Pe bai pawb yn gwybod y neges syml a phwerus hon, fe allen ni ddod â’r stigma sy’n ymwneud â HIV i ben. Nid yn unig hynny, ond fe allen ni atal trosglwyddiadau HIV yn gyfan gwbl.

Fe wyddon ni, er bod cynnydd meddygol rhyfeddol wedi’i wneud, nad yw gwybodaeth am HIV wedi cadw i fyny â’r cynnydd hwnnw. Mae stigma sy’n effeithio ar bobl sy’n byw gyda HIV hefyd yn atal eraill rhag cael prawf. Po fwyaf o bobl sy’n profi ac yn cael triniaeth effeithiol, y lleiaf o drosglwyddiadau HIV fydd yn digwydd.

Mae ein hymgyrch Can’t Pass It On yn lledaenu’r neges hon ymhell ac agos, fel y gallwn roi terfyn ar stigma HIV a throsglwyddiadau HIV, unwaith ac am byth.

Rydyn ni’n dweud wrth bawb: na all rhywun sy’n byw gyda HIV ac sy’n cael triniaeth effeithiol ei drosglwyddo, plîs rhannwch y neges yma